الرئيس عبد الفتاح السيسى: افتتاح الكاتدرائية رسالة سلام لكل العالم

الرئيس عبد الفتاح السيسى: افتتاح الكاتدرائية رسالة سلام لكل العالم

هنأ الرئيس عبد الفتاح السيسي قداسة البابا الأنبا تواضروس الثانى والأقباط بمناسبة عيد الميلاد المجيد وافتتاح كاتدرائية ميلاد المسيح بالعاصمة الإدارية الجديدة، جاء خلال الزيارة التي قام بها سيادته للكاتدرائية الجديدة مساء يوم 6/1/2018.

وقال الرئيس: “اسمحولي إني اقولكم وأقول لقداسة البابا ولكل الأشقاء والأهل كل عام وأنتم بخير،”

وأضاف: “وكمان مهم قوى إني أهنئكم على الافتتاح الجزئي للكاتدرائية هذا الافتتاح رسالة كبيرة قوي…رسالة من مصر مش بس للمصريين لكن للعالم كله
رسالة سلام ورسالة محبة …احنا بفضل الله سبحانه وتعالى بنقدم نموذج للمحبة والسلام بيننا وبين بعض …هتخرج المحبة وهيخرج السلام من مصر وهيعم العالم كله.”

وأكد: “يمكن وسط الأحداث دى تقولوا معقول هيبقى كده ؟!” عمر الشر وعمر الخراب وعمر التدمير وعمر القتل يقدر أبدًا يهزم الخير والبناء والمحبة والسلام لا يمكن .. يمكن تقولوا إزاي ده هيحصل ؟ لكن هيحصل، وبقول للناس كلها يا ترى الفرحة دي اللى احنا شايفينها تساوى كام؟! تساوى ايه ؟!  واحنا مش شايفين الخير ده  اللى انتوا شايفينه ده بفضل ربنا سبحانه وتعالى.

ونبه: “خذوا بالكوا احنا واحد ومحدش أبدًا هيقدر يقسمنا دى برضو رساله ثانية فى زحمة الألم ده ..وأنا مكنتش عاوز أتكلم فى اي آلام لأن الألم بيؤذينا كلنا . انا مش عاوز اطول علشان تبدأوا صلواتكم.  يارب يقدرنا إننا ندخل الفرحة على كل الناس ..أنا أشكركم على حفاوة الاستقبال ..تحيا مصر بالمصريين ..محدش أبدًا هيقدر على مصر وأوعوا تنسوا اللى عاوز يؤذينا يفرق بيننا ويخلينا نأكل بعضنا البعض.

و فى الختام  هنأ سيادته الأقباط قائلا كل سنة وأنتم طيبين وعام سعيد عليكم وعلينا وعلى الدنيا كلها كما هنأ قداسة البابا.

  • 26168145_837541176418620_6361452083776800625_n
    26168428_837540603085344_3437508403765208939_n
    26195577_837541059751965_3047817768392009764_n

  • 26196388_837540266418711_2873735558998608197_n
    26231021_837540523085352_1603372870876845230_n
    26230386_837540269752044_2542868260283145381_n
  • 26169297_837540516418686_2054609326072599700_n
    26230843_837540316418706_1577657636939928615_n
    26195299_837540836418654_5463526844032747158_n
  • 26196092_837540749751996_4561874107998260308_n
    26229756_837540899751981_5180222175040691034_n